जनकपुरधाम
जनकपुरधामको एक होटेलमा युवतीको मृत्यु भएको छ ।
मृत्यु हुनेमा कास्कीको पोखरा महानगरपालिका वडा नम्बर १३ बस्ने अन्दाजी ३० वर्षीया खुश्बु सुनार नेपाली रहेको जिल्ला प्रहरी कार्यालय धनुषाका प्रवक्ता प्रहरी नायव उपरीक्षक रञ्जन अवाले बताए ।
जनकपुरधाम उपमहानगरपालिका वडा नम्बर-८ रामानन्द चोकस्थित होटेल सिटी एण्ड फ्यामली रेष्टुरेन्टमा सोमबार साँझ साथीहरूसँगै आएकी सुनारको मंगलबार बिहान साढे ८ बजे मृत्यु भएको जिल्ला प्रहरी कार्यालय धनुषाका प्रवक्ता प्रहरी नायव उपरीक्षक रञ्जन अवाले बताए ।
खुश्बुको मृत्यु भएपछि होटेलमा सँगै बसेका दुई युवक भने फरार भएको छ।
प्रहरी नायव उपरीक्षक अवाले घटना शंकास्पद रहेको र युवतीको निधन पनि शंकास्पद देखिएकाले घटनाको अनुसन्धान अगाडि बढाइएको बताए ।
युवतीको शव पोष्टमार्टमका लागि प्रादेशिक अस्पताल जनकपुरधाममा राखिएको र सँगै बसेको भनिएका दुई युवकको खोजी भइरहेको धनुषा प्रहरीले जानकारी दिए।