जनकपुरधाम । जनकपुरधामको एक संस्थागत विद्यालयले शितलताको लागि वृक्षारोपण कार्य गरेको । अत्यधिक गर्मीका कारण जनजिवन प्रभावित बनेसँगै बजारमा मानिसको आवागमन कम बनेको छ । यसैक्रममा स्कुले विद्यार्थी समेत प्रभावित बनेका छन् । त्यस्कारण मधेश प्रदेशको सदरमुकाम समेत रहेको जनकपुरधाम उपमहानगरपालिकाले शैेक्षिक संस्थाहरुलाई पाँच दिनका लागि बन्द गर्ने निर्णयको पालना गरी बिद्यालयहरु बन्द रहेको छ । यस्तो समयमा जनकपुरधाम १ मा रहेको ॐ आरसीएस स्कुलका बिद्यार्थीहरुले बिद्यालय क्षेत्रमा बृक्षारोपण गरिएको छ । रुख बिरुवाको कटान भईरहदा गर्मी संगैँ पानीको हाहाकार भईरहेको बेला मात्र कितावी ज्ञान भन्दा बिद्यार्थीहरुले नै बिभिन्न समुह बनाएर सीता चौक क्षेत्रका विभिन्न ठाउँ नीम, पिपल लगायतका विरुवाहरु रोपेका छन् ।

सो विद्यालयका प्रधानाध्यापक अवधेश तिवारीको अध्यक्षता र शिक्षकद्वय शरद कुमार झा तथा जीवन आलेको संयोजकत्वमा सो क्षेत्रका खाली जग्गाहरुमा बिभिन्न जातका ५० वटा विरुवा लगाइएको शिक्षक झाले जानकारी दिनुभयो । अहिले रुखको महत्व पैसामुखि समाज निर्माणसँगै घटीरहेको छ । रुखको सँख्या घट्दै गएकै कारण तापक्रम पनि बढीरहेको छ । त्यस्कारण जमीन मुनीको जलाशय समेत कम हुँदै गइरहेको छ । ‘वातावरण जोगाँउ, पर्यावरण जोगाँउ’ जस्ता विषयमा विभिन्न मञ्चमा भाषण मात्र दिएर हुदैन त्यसको लागि नियमित रुपमा सानै देखि बालबालिकाहरुलाई रुखको महत्वका बारेमा जानकारी गराई उनिहरुबाट नै बृक्षारोपण गराउँदा भविश्यमा यस्ता कार्यहरु प्रति विद्यार्थीहरु को रुची बढ्ने भएकाले यो सराहनीय काम रहेको वातावरणका क्षेत्रमा काम गर्ने ग्रीन स्पेस नेपालका अध्यक्ष धीरज साहले जानकारी दिनुभयो । सो बृक्षारोपण कार्यमा ॐ आरसीएस स्कुलका बिद्यार्थीहरु बिबेक साह, निशान्त ठाकुर, कुशल मंडल,सोनु मिश्रा लगायत कक्षा ८,९ र १० का छात्रछात्राहरुले बृक्षारोपण कार्य गरेको शिक्षक झाले जानकारी दिनुभयो ।