मधेश संवाददाता, २६ फागुन/ शुक्रबार देशैभरका स्थानीय तहहरुमा विभिन्न कार्यक्रम गरी नारी दिवस मनाइयो । आम महिलाको सशक्तिकरण तथा हिंसा विरुद्ध सन्देश दिनेगरी महिलाहरुको सक्रियतामा कार्यक्रम मनाउँदै गर्दा सिरहा जिल्लाको गोलबजारमा एक महिलाको हत्या भयो ।
गोलबजार नगरपालिका –६ निवासी महेन्द्र साहकी श्रीमती अनिताको हत्या भएको हो । घटनाको प्रकृति हेर्दा रहस्यपुर्ण देखिन्छ । सिलौटामा पिँध्ने लोढा (ढुङ्गा) ले हानेर अनिताको हत्या गरेको घटनाको प्रारम्भिक अनुसन्धानले देखाएको प्रहरीको भनाइ छ ।
‘श्रीमतीको हत्या भएको छ भने श्रीमान घाइते छन् । ३५ वर्षीया अनिता र उनका श्रीमान महेन्द्र होटल व्यवसायी हुन् । घटना रहस्यमय देखिन्छ’ घटना अनुसन्धानमा सक्रिय प्रहरी अधिकारी भन्छन् । घटनावारे थप अनुसन्धान जारी छ ।